Ciàssa de Pontexéllo

Andæ in ciàssa Pontexéllo
se voéi védde e raritæ
ghe poriéi trovâghe quéllo
che da-i âtri no trovæ.
A-a matìn, ghe séi mâi stæti?
Gh'é i leitæ la da-o barchî
métan l'ægua drénto a-o læte
e de 'n lîtro ne fàn doî.
Pöi ciù tàrdi, gh'é e pesciæe
co-i nazélli d'ægoe ciæe

Ciàssa de Pontexéllo
a-o céntro da çitæ.
Che ödô de refrescùmme,
che sbràggi mæducæ.
Vìn bón, vìn bón,
tralalalêro, tralalalêro,
Vìn bón, vìn bón,
tralalalêro, lerolalà.

A l'invèrno gh'é-e rostîe
"Ghe-e ò câde e mæ piæ"
"Peri caldi e prebogîe"
e-a patêca inte l'estæ.
Li into mêzo i ciarlatén
gh'àn i pægoi de papê...
se vedésci cómme xêuan
quànde arîva i cantonê.
Gh'é 'na lîte? Pàrte 'n éuggio?
Te salûo, pòrtaféuggio!

Ciàssa de Pontexéllo
gh'é a Bedìn co-e seu fainæ,
fra tórte pasqualìnn-e
a te sciórbe di dinæ
Un, doî e tréi
dæghene tànta, dæghene tànta
Un, doî e tréi
dæghene tànta, a l’é bónn-a davéi!

A-a doménega adunànsa
de servétte invexendæ,
són vestîe con elegànsa
se són tùtte profumæ.
Pontexéllo, fæghe câxo,
a pâ tùtta trasformâ
In Montéuggio, Bréumia, Trâxo,
Martìn d'Órba, Oê, Arquâ.
Cöse dîxan? Ànche a ciù bónn-a
a dîxe mâ da seu padrónn-a.

Ciàssa de Pontexéllo
da-a Gêxa de Caignàn
sunàndo vàn a-a prédica,
ma e sèrve no ghe vàn
dìn, dòn, dàn, dìn,
vàn a balâ 'n scî tærapìn
dìn, dòn, dàn, dìn,
vàn a balâ 'n scî tærapìn

De Andrè - A Dumenega

Quandu ä dumenega fan u gíu
cappellin neuvu neuvu u vestiu
cu 'a madama a madama 'n testa
o belin che festa o belin che festa
a tûtti apreuvu ä pruccessiún
d'a Teresin-a du Teresún
tûtti a miâ ë figge du diàu
che belin de lou che belin de lou
e a stu luciâ de cheusce e de tettìn
ghe fan u sciätu anche i ciû piccìn
mama mama damme ë palanche
veuggiu anâ a casín veuggiu anâ a casín
e ciû s'addentran inta cittaë
ciû euggi e vuxi ghe dan deré
ghe dixan quellu che nu peúan dî
de zeùggia sabbu e de lûnedi
**a Ciamberlin sûssa belín
ä Fuxe cheusce da sciaccanuxe
in Caignàn musse de tersa man
e in Puntexellu ghe mustran l'öxellu
a Ciamberlin sûssa belín
ä Fuxe cheusce da sciaccanuxe
in Caignàn musse de tersa man
e in Puntexellu ghe mustran l'öxellu
e u direttú du portu c'u ghe vedde l'ou
'nte quelle scciappe a reposu da u lou
pe nu fâ vedde ch'u l'è cuntentu
ch'u meu-neuvu u gh'à u finansiamentu
u se cunfunde 'nta confûsiûn
cun l'euggiu pin de indignasiún
e u ghe cría u ghe cría deré
bagasce sëi e ghe restè
e ti che ti ghe sbraggi apreuvu
mancu ciû u nasu gh'avei de neuvu
bruttu galûsciu de 'n purtòu de Cristu
nu tè l'ûnicu ch'u se n'è avvistu
che in mezu a quelle creatûe
che se guagnan u pan da nûe
a gh'è a gh'è a gh'è a gh'è
a gh'è anche teu muggè
a Ciamberlin sûssa belín
ä Fuxe cheusce de sciaccanuxe
in Caignàn musse de tersa man
e in Puntexellu ghe mustran l'öxellu.

De Andrè - Creuza de Mä

Umbre de muri muri de mainé
dunde ne vegnì duve l'è ch'ané
da 'n scitu duve a l'ûn-a a se mustra nûa
e a neutte a n'à puntou u cutellu ä gua
e a muntä l'àse gh'é restou Diu
u Diàu l'é in çë e u s'è gh'è faetu u nìu
ne sciurtìmmu da u mä pe sciugà e osse da u Dria
a a funtan-a di cumbi 'nta cä de pria.
E 'nt'a cä de pria chi ghe saià
int'à cä du Dria che u nu l'è mainà
gente de Lûgan facce da mandillä
qui che du luassu preferiscian l'ä
figge de famiggia udù de bun
che ti peu ammiàle senza u gundun.
E a 'ste panse veue cose che daià
cose da beive, cose da mangiä
frittûa de pigneu giancu de Purtufin
çervelle de bae 'nt'u meximu vin
lasagne da fiddià ai quattru tucchi
paciûgu in aegruduse de lévre de cuppi.
E 'nt'a barca du vin ghe naveghiemu 'nsc'i scheuggi
emigranti du rìe cu'i cioi 'nt'i euggi
finché u matin crescià da puéilu rechéugge
frè di ganeuffeni e dè figge
bacan d'a corda marsa d'aegua e de sä
che a ne liga e a ne porta 'nte 'na creuza de mä.